Žemaitiu aukštoma

Straipsnis ėš Vikipedėjės, encikluopedėjės žemaitėškā.
Paršuoktė i: naršīms, paėiška
Žemaitiu aukštoma netol Tverū

Žemaitiu aukštoma īr aukštoma cėntrėnė Žemaitėjuo, ožėmanti dėdėlesnė anuos dali. Pluots aple 10 000 km². Būdings aukštis 119 m. Ėinont i vakarus leidasi i Vakarū Žemaitiu plīnaukšte (ana perėin i Pajūrė žemoma) a ėinant i rītus - i Rītū Žemaitiu plīnaukšte (ta perėin i Vėdorė Lietovuos žemoma). Šiaurie robežiojas o Vėntas vėdoropė žemoma, a pėitūs - so Karšovuos līgoma. Par aukštomuos cėntra drėikias aukštausė dalis - Žemaitiu ondenskīras kalvīns. Anam īr ė patės aukštausės kalvuos - Medviegalis (234 m), Šatrėjė ė Girgždūtė.

Aukštomuo gausu ežerū: Plateliu ežers, Lūksts, Mastis ė kt.